Toa misy zava-tsarotra

Miseho sy mahakivy ve

Izay mitoetra sy mihatra

Aminao ry velona ê!

Asa angamba fahakiviana

Noho ny adim-piainana

Ka eo ianao mangina

Ory, very saina re !

Raha mbola velona eto an-tany

Ny fiainan- tsarotra eo ihany

Fa raha banjininao ilay Jesoa

Dia ho maivana avokoa

Na fahoriana sesilany

Hainy ho vahana hatrany

Ka Izy dia milaza hoe

Mahereza aza kivy re.

Toa gaga ianao indraindray

Raha manatona ny Ray

Dia tena feno fitsapana

Izay tena sarotra vahana

’Zany no fiainanao

Saika isan’andro lava izao

Tebiteby ho tratra ve

Ilay tanjona iray lehibe.